| |
Kahinudmdom ko sa una, imo ko gihatagan ug payong. Ingon ka dili ka ganahan na magpauwan ko. Kahibaw man gud ka na tapulan jud ko mag-dala og payong. Hasulan ko. Bug-at sa bag. Kadaghan naman nahitabo na magdala kog payong nya moundang ug uwan. Pero ingon man ka dili ka ganahan mabasa ko sa uwan kay masakit nya ko. Ug sa tanan, dili gyud ka ganahang masakit ko.
Kahinumdom gyud kong mutext ka nako sa una kung mouwan..."O, ayaw kalimti ug dala imong payong ha..." Bisag dili pa ko ganahan, ako nalang dad-on. Ingon man ka. Patuo man ko nimo.
Pilang uwana napud ko naprotektahan sa payong nga imong gihatag. Payter sad diay magdala no kay dili man diay grabe kahasul. Mas hasul ang mabasa. Labi nag layo2 ka pag baktason.
Pero sa pag-abot sa usa sa pinaka kusog nga bagyo diri sa amu-a, naguba ang payong na imong gihatag. Kato pagyung panahuna. Kato pagyung grabe jud kaayo ang bagyo. Naghuwat kong makadawat ug text gikan nimo na dili ko magpabasa...pero wala gyuy naabot.
Nahuman nalang katong bagyo...wala gyud koy nadunggan nimo.
Guba na ang payong na imong gihatag uy, dili nimo pulihan? Niingon ka, palit nalang kog bag-o.
In-ana ra kasayon.
Ganahan bya ko ato. Kato gyud unta akong paborito sa tanan. Gikan gud to nimo. Pero ingon man ka, ilisan na to nako. Ako nang ilisan? Tinuod ka?
Hinuon bisag ganahan pa ko na kato lang gihapon ang gamiton...guba naman. Wala gihapon pulos. Dili gihapon magamit.
Hangtod karon, wala gihapon ko nakapalit ug bag-o. Pero naanad naman sad ko na mu-sulong sa uwan. Wa paka naabot sa akong kinabuhi, in-ani na gyud ko. Anad mabasa. Anad mauwanan.
 Usahay makahuna2 sad ko, mopalit nalang gyud kaha kog bag-o sah? Pero dili lang sa tingali...Unya na...
Kinsa nasad kaha imong gipalitan ug payong noh? Sigurado jud ko na dili gyud to siya mauwanan. Dili gyud to mabasa. Dili gyud to masakit.
Sigurado jud ko ana.
Palihog kog ingon niya na ampingan iyang payong ha? Lisod na ug maguba sad pareho sa ako.
Makatilaw nya siya sa bagyong natilawan nako...
 | may i also say... WOW... very nice metaphor ang payong... |
 | knsa mn xa bah? haha..papalit pud ko payong niya ky tapulan pud ko..ahaha..;p |
 | Hahaha! Kinsa man ga hatag sa payong? Kay ako lang nya sya ingnon na pa palitan ka ug bag-o para sad intawon di ka mabasa ui or basin mas ganahan ka ug raincoat? Dili tantong bug-at dalhon ba. Unsa man? |
 | mans, copy paste nako ha =D submit nako..ui mugawas imong VAMPIRE story on MOnday =D |
 | i am here all alone and i know you ms m have the best blogs ever. i came across this one and you made me cry... now im crying in a foreign land kay pirme uwan dre and wla jud koy payong kay naguba sad.. |
 | hey tim haven't been checking my blog for a long time now...i miss you. hope you are okay. |
| | |
|
|
WOW. (reading again) 